काठमाडौं । अबिरल वर्षाका कारण सडक भासिएर अवरुद्ध बनेको नेपालथोक–खुर्कोट सडक खण्ड पुनः सुचारु भएको छ ।
सुनकोसी नदीको कटानले वीपी राजमार्गको खुर्कोट नेपालथोक सडक खण्ड अन्तर्गत गोलन्जोर गाउँपालिका ७ कानढुङ्ग्री नजिक आइतबार बिहान भासिएको सडक नेपाली सेनाले डाइभर्सन निर्माण गरेर सञ्चालनमा ल्याएको हो ।
सडक भासिएपछि उक्त खण्ड पूर्ण रूपमा अवरुद्ध भएको थियो । मुल्कोट–खुर्कोट सडक नेपाली सेनाले डाइभर्सन निर्माण गरेर वैकल्पिक रूपमा सञ्चलनमा ल्याएको सिन्धुली प्रहरीले जनाएको छ ।
