काठमाडौं । हिन्दु नारीहरुको पर्व हरितालीका तीज सुरु भएको छ । आज बुधबार तीजको दर खाने दिन रहेको छ ।
विहे गरेर वा घरबाट टाढा रहेका छोरी चेली माइतमा भेला भएर खिर, ढकनी लगायत दूधबाट बनेका मिष्टान्न परिकार दरका रुपमा खाने चलन रहेको छ ।
आधुनिकीकरण संगै शहरबजारमा महिनादिन अघिदेखि दर खाने चलन पनि विकास हुदै आएको छ ।
कार्यलयहरुमा महिला कर्मचारी लक्षित दर कार्यक्रम पनि हुनथालेकाे छ। तीज तथा दर खाने प्रचलनमा विकृती बढ्न थालेसंगै संकृतिविदहरुले चिन्ता व्यक्त गर्न थालेका छन् ।
दर तीजको ब्रत बस्ने अघिल्लो राती (१२ बजे अघि उठेर) खाने चलन रहेको छ । भोलिपल्ट दिनभरी पानी समेत नखाइ व्रत बस्ने चलन तीजमा रहेको छ । श्रमीमानको दिर्घायू तथा राम्रो स्वास्थ्यको कामना सहित तीज ब्रत लिने चलन रहेको छ । पञ्चमीका दिन सप्त ऋीषिको पूजा गरी तीज पर्व समाप्त हुने गर्दछ ।
