काठमाडौं । नेपाल चेम्बर अफ कमर्शमा नयाँ नेतृत्व चयन भएको छ । चेम्बरको अध्यक्षमा कमलेस अग्रवाल निर्वाचित भएका छन् ।
मंगलबार काठमाडौंमा सम्पन्न चेम्बरको अधिवेशनबाट अग्रवाल सर्वसम्मत अध्यक्ष निर्वाचित भएका हुन् । यसअघि उनी वरिष्ठ उपाध्यक्ष थिए ।
चेम्बरको वरिष्ठ उपाध्यक्षमा दिपक मल्होत्रा निर्वाचित भएका छन् । यस्तै, उपाध्यक्षहरुमा उर्मिला श्रेष्ठ, दिपक श्रेष्ठ, सन्तोष पाण्डे, सुरेन्द्रकुमार श्रेष्ठ र निलकण्ठ चौलागाईं सर्वसम्मत रुपमा निर्वाचित भएका छन् । अर्जुन प्रसाद शर्मा मानार्थ उपाध्यक्षमा चयन भएका छन् ।
यस्तै, प्रदेश अध्यक्षहरुमा कोशीबाट सुरेशमान श्रेष्ठ, मधेशबाट अमरनाथ गुप्ता, बागमतीबाट सिद्धिलाल श्रेष्ठ सर्वसम्मत चयन भएका छन् । यता, गण्डकी प्रदेशबाट बाट किसान सुनार, लुम्बिनीबाट टंकप्रसाद पोखरेल, कर्णालीबाट लक्ष्मण न्यौपाने र सुदुरपश्चिमबाट विनोद मल्ल सर्वसम्मत रुपमा चयन भएका छन्
