- रुद्रबहादुर खड्का
चैत्र १०, सिन्धुली । २०८० चैत्र १५ गते देखि चैत्र २७ गते सम्म संचालन हुने माध्यमिक शिक्षा परीक्षा (SEE) मा सिन्धुली जिल्लाबाट पाँच हजार तीन सय पन्ध्र जना विद्यार्थीहरु सामेल हुने शिक्षा विकास तथा समन्वय इकाई सिन्धुलीले जनाएको छ ।
सिन्धुलीबाट (एसइई) परीक्षामासबै धारका गरी महिला दुई हजार आठ सय पन्ध्र र पुरुष दुईहजार तीन सय पन्ध्र जना विद्यार्थीहरु उक्त परीक्षामा सामेल हुने भएका छन्। जस अन्तर्गत नियमित साधारण तर्फका पाँच हजार एक सय छयालीस जना, प्रविधिक तर्फ एक सय उनान्सत्तरी जना र ग्रेड वृद्धि तर्फकाछब्बीस जना परीक्षार्थीले तोकिएको परीक्षाकेन्द्रबाट परीक्षा दिन पाउने व्यबस्था गरेको शिक्षा विकास तथा समन्वय इकाई सिन्चुलीका सूचना अधिकारी दुर्गाबहादुर भुजेलले जानकारी दिए ।
उनको भनाइ अनुसार कमलामाई नगरपालिकामा छ वटा, दुधौलीमापाँच वटा, तीनपाटनगाउँपालिकामा तीन वटा, फिक्कल गाउँपालिकामादुई वटा परीक्षा केन्द्र तोकिएको छ ।
त्यसै गरि गोलन्जोर गाउँपालिकामादुई वटा, सुनकोसी गाउँपालिकामा दुई वटा, घ्याङ्लेख गाउँपालिकामा एक वटा, हरिहरपुरगढी गाउँपालिकामा दुई वटार मारिण गाउँपालिकामा दुई वटा परीक्षा केन्द्र तोकिएको शिक्षा विकास तथा समन्वय इकाई परीक्षा समितिले जनाएको छ । यस बर्षको माध्यमिक शिक्षा परीक्षा (SEE) संचालनको काम अन्तिम चरणमा पुगिसकेको व्यहोरासूचना अधिकृत भुजेलले बताए ।
सुरक्षा निकाय,स्थानीय प्रशासन तथा शिक्षा सम्वद्धविभिन्न कर्मचारीहरुले परीक्षाको अनुगमन गर्ने जानकारी पनी सो अवसरमा दिए । त्यसैगरीसिद्धबाबा माध्यमिक विद्यालय पानिट्याङ्कीका प्रधानाध्यापक टोमप्रसाद काफ्लेलेपरीक्षालाई मर्यादित,व्यवस्थित र शान्तिपूर्ण तरिकाले सम्पन्न गर्नको लागि सम्बन्धित सबै सरोकारवालाले सहयोग गर्नुपर्ने विचार व्यक्त गरे।
परीक्षा विहान ८ बजेदेखि ११ बजेसम्म सञ्चालन हुने जनाइएकाे छ ।
तस्विर : जलकन्या मावि चपाैलीबाट २०८० काे एइइ परीक्षामा सामेल विद्यार्थी स्कुलले गरेकाे बिदाइ पछिकाे सामुहीक फाेटाे ।
