काठमाडाैं । बारामा आज बिहान भएकाे बस दुर्घटनामा परि १६ जनाको मृत्यु भएको छ । नारायणगढबाट पथलैयातर्फ जाँदै गरेको ०६-००१ ख ०१० नम्बरको बस आज बिहान जितपुर सिमरा २२ मा पर्ने तीन नम्बर पुल नजिक दुर्घटना भएको थियो । घाइतेहरुलाई उद्धार गरी मकवानपुर तथा चितवनका विभिन्न अस्पतालमा उपचार भइरहेकाे छ ।
प्रहरीका अनुसार हेटौंडा अस्पतालमा १२ जनाको मृत्यु भएको छ । चुरेहिल अस्पतालमा २ जना, मकवानपुर सहकारी अस्पतालमा एक र चितवनमा एक जनाको मृत्यु भएको छ ।
मृतक सबैको सनाखत हुन बाँकी छ ।
प्रहरीका अनुसार दुर्घटनामा २० बढी जना घाइते भएका छन् । घाइते दुई जनाको अवस्था गम्भीर छ । घाइतेहरुको चुरेहिल, हेटौंडा, सहकारी अस्पताल र सन्चो अस्पतालमा उपचार भइरहेको छ । केही घाइतेहरूलाइ भरतपुर चितवन रेफर गरिएकाे छ ।
