काठमाडौं । बैंकर र कर्मचारी पक्राउ गरिएको घटनाप्रति निजी क्षेत्रले पनि आपत्ति जनाएको छ ।
धितो मूल्याङ्कनलाई आधार बनाएर दिइएको कर्जाका लागि सम्वन्धमा बैंक तथा वित्तीय संस्थाका कर्मचारीहरु पक्राउ गरिएको घटनामा निजी क्षेत्रका व्यवसायीहरुको छाता संगठन नेपाल उद्योग वाणिज्य संघ, नेपाल उद्योग परिसंघ र नेपाल च्याम्बर अफ कमर्शले गम्भीर ध्यानाकर्षण गराएका हुन् ।
गत मंगलबार प्रभु बैंकका डेपुटी सिइओ मनोज न्यौपानेर तत्कालिन सेञ्चुरी बैंकका सिइओ तुलसीराम गौतमसहित ११ जना कर्मचारीहरुलाई नेपालप प्रहरी केन्द्रिय अनुसन्धान ब्यूरो(सिआईबी)ले पक्राउ गरेको छ । सोही घटनालाई लिएर निजी क्षेत्रले आपत्ति जनाएका हुन् ।
विद्यमान कानूनी व्यवस्था, नियमनकारी निकायका नीति तथा निर्देशनमा रही काम गरिरहेका बैंक तथा वित्तीय संस्थाका कुनै पनि घटनामा प्रत्यक्ष संलग्न नभएका व्यक्तिहरुलाई समेत पदीय ओहोदा वा कागजातमा हस्ताक्षर गरेको कारण निजहरुले असल नियतबाट गरेको कामलाई वेवास्ता गरेको निजी क्षेत्रको बुझाई छ ।
पहिले थुन्ने अनि सुन्ने भन्ने मनसायबाट अभिप्रेरित भई दु:ख दिन खोजिएको उनीहरुको आरोप छ । बैंकरहरुको कार्य दक्षतामा आँच आउने खालको क्रियाकलापले निर्णय गर्न नसक्ने एवं मनोवल खस्कन गई कर्जा विस्तारमा समेत प्रभाव पर्ने जाने निजी क्षेत्रले जनाएका छन् । यसले समग्र अर्थतन्त्रको वृद्धि विकास ठुलो असर पर्ने उनीहरुको भनाई छ । विज्ञप्तिमा भनिएको छ,’अनुसन्धान गर्दा दोषी देखिए कारबाही गर्नुपर्छ तर बैंकिङ्ग क्षेत्र जस्तो संवेदनशील क्षेत्रमा भईरहेको पछिल्ला गतिविधिले सकारात्मक परिणाम दिने भन्दा नकारात्मक असर बढी पार्न सक्ने तर्फ सचेत हुन सम्बन्धित सबै पक्षलाई अपिल छ ।’
यस्तो निजी क्षेत्रका व्यवसायीहरुको छाता संगठनले संयुक्त रुपमा जारी गरेको विज्ञप्ति
