माघ २८, काठमाडौं । आदिवासी जनजाति पत्रकार महासंघ (फोनिज) को असहमतिकाबीच ‘अग्रह अनुहार’ कथा अग्रजको, गाथा महासंघको विमोचन भएको छ ।
आइतबार निर्धारित समयभन्दा करिव दुइघण्टा ढिला शुरुभएको कार्यक्रममा प्रतिनिधि सभाका सभामुख देवराज घिमिरे र सञ्चार तथा सूचन प्रविधि मन्त्री रेखा शर्मालाई प्रमुख र विशेष अतिथिका रुपमा बोलाइएको थियो ।
तर, फोनिजकाे विरोध थाहा पाएर दुबैजना अतिथिहरु नआएपछि उपस्थित महासंघका पूर्व सभापति र अध्यक्षहरुबाट पुस्तक विमोचन गरिएको थियो ।
फोनिजले नेपाल पत्रकार महासंघको संस्थापक अध्यक्ष सत्यनारायणबहादुर श्रेष्ठ रहेको भन्दै उक्त पुस्तकप्रति असहमति जनाउदै आएको थियो ।
संस्थापक सभापतिबारे विवादलाई कारण देखाउँदै फोनिजका पदाधिकारी र समर्थकहरू विमोचनको बेलामा मञ्चमै गएर अग्रज पत्रकारहरूको हातबाट किताब थुतेर च्याते । आयोजकले पुस्तक विमोचन भएको घोषणा गरे ।
पुस्तक महासंघमा हालसम्म निर्वाचित २३ जना सभापति तथा अध्यक्षहरुको जीवनी तथा योगदाको सँगालो रहेको छ । नेपाल पत्रकार महासंघ, प्रतिष्ठान प्रदेश समितिले प्रकाशन गरेको पुस्तकको सम्पादन बालकृष्ण अधिकारीले गर्नुभएको छ ।
