काठमाडौं । एनएमबि बैंकले झण्डै डेढ अर्ब खुद नाफा कमाएको छ । बैंकले आइतबार सार्वजनिक गरेको चालु आर्थिक वर्ष २०८०/८१ को दोस्रो त्रैमासिक वित्तीय विवरणले यस्तो देखाएको हो ।
समिक्षा अवधिमा बैंकले १ अर्ब ३७ करोड ५९ लाख रुपैयाँ खुद नाफा कमाएको हो । तर, गत आवको दोस्रो त्रैमासको तुलनामा भने बैंकको नाफा २७.६२ प्रतिशत कमी हो । गत आवको सोही अवधिमा बैंकले १ अर्ब ९० करोड ११ लाख रुपैयाँ नाफा कमाएको थियो । बैंकको खुद ब्याय आम्दानी र संचालन नाफामा केही गिरावटले नाफा प्रभावित भएको हो ।
समिक्षा अवधिमा बैंकले ३ अर्ब ७४ करोड २ लाख रुपैयाँ ब्याज आम्दानी गरेको छ । जुन गत आवको सोही अवधिको तुलना १२.३९ प्रतिशत कमी हो ।
यस्तै, बैंकले ६ महिनामा १ अर्ब ९५ करोड ६७ लाख रुपैयाँ संचालन नाफा गरेको छ । यता, बैंकको वितरणयोग्य नाफा पनि ९९ करोड ४८ लाख रुपैयाँ ऋणात्मक देखिएको छ । हाल बैंकको चुक्ता पुँजी १८ अर्ब ३६ करोड ६७ लाख रुपैयाँ छ । बेंकले जगेडा कोषको आकार भने १८.२७ प्रतिशतले बढाएर १० अर्ब ५५ करोड ७३ लाख रुपैयाँ पुर्याएको छ ।
समिक्षा अवधिमा बैंकको निक्षेप संकलन ९.९९ प्रतिशत बढेर २ खर्ब ३१ अर्ब ३२ करोड २७ लाख रुपैयाँ पुगेको छ । कर्जा प्रवाह भने सामान्य अर्थात् २।७३ प्रतिशत बढेर १ खर्ब ९४ अर्ब १८ करोड ९६ लाख रुपैयाँ कायम भएको छ । समिक्षा अवधिमा बैंकसँग २.८६ प्रतिशत खराब कर्जा छ । बैंकको प्रतिसेयर आम्दानी १४ रुपैयाँ ९८ पैसा छ । प्रतिसेयर नेटवर्थ भने १५४ रुपैयाँ ९६ पैसा छ ।
