काठमाडौं । ग्लोबल आइएमई क्यापिटल लिमिटेडको प्रमुख कार्यकारी अधिकृत ९सिईओ०मा मन्दिप लुइँटेल नियुक्त भएका छन् ।
लुँईटेल ग्लोबल आइएमई बैङ्कको मर्चेन्ट बैंकिङ्ग व्यवसाय गर्ने सहायक कम्पनी क्यापिटल सिइओ बनेका हुन् । क्यापिटल सञ्चालक समितिले माघ १ गतेदेखि लागू हुने गरी उनलाई सिइओमा नियुक्ति गरेको हो । उनको कार्यकाल आगामी चार वर्षको हुनेछ ।
यसअघि उनी सानिमा क्यापिटलमा इन्भेस्टमेन्ट बैङ्किङ प्रमुखको कार्यरत थिए । साढे ६ वर्षदेखि उनी सानिमा क्यापिटलमा जिम्मेवारी पुरा गरेका लुँईटेल भारतको पुनेबाट एमबिए गरेका छन् । काठमाडौँ विश्वविद्यालयबाट इन्जिनियरिङमा स्नातकोत्तर तहको योग्यता हासिल गरेका छन् ।
उनीसँग भारतको मुम्बईस्थित आइसीआइसी बैङ्कमा डेढ वर्ष काम गरेको अनुभव पनि छ । उनले सो बैङ्कमा क्यापिटल मार्केट तथा स्ट्रक्चर्ड फाइनान्स ग्रुपमा म्यानेजरको जिम्मेवारीमा काम गरेका थिए ।
