काठमाडाैं । धुलिखेल नगरपालिका वडा नम्बर ११ बानियाँछाप स्थित बलराम धिमालको घरमा आगलागी भएको छ । आज विहान ३ः५० को समयमा आगलागी भएको जिल्ला प्रहरी कार्यालय काभ्रेले जनाएको छ । ढुङगा माटो र जस्ताले छाएको ३ तल्ले घरमा अचानक आगलागी भएको हो । घर नजिकै रहेको जस्ताको छाना जस्ताले बारेको गोठमा समेत आगलागी भएको छ ।
उक्त घरमा मानिस बस्ने नगरेको, अन्नपात राख्ने गरेको स्थानीयले बताएका छन ।
आगलागीबाट मानबिय तथा चौपाया क्षति भने भएको छैन । धुलिखेल नगरपालिकाको दमकल र स्थानीयको सहयोगमा आगो निभाउने कार्य भईरहेको । आगलागीको कारण खुलेको छैन ।
