काठमाडाैं । जाजरकोट आसपासलाई केन्द्र बनाएर मध्यराती गएको ६.४ म्याग्निच्युडको भुकम्पमा परी हालसम्म करिब ७६ जनाको मृत्यु भएको छ ।
प्रहरी र स्थानीय तहका जनप्रतिनिधिका अनुसार हालसम्म यो संख्या पुष्टी भएको हो ।
रूकुमपश्चिम प्रहरीका अनुसार रुकुममा मात्र हालसम्म २८ जनाकाे मृत्यु भएकाे प्रारम्भिक जानकारी आएकाे छ ।
नलगाड नगरपालिकाकी उपमेयर सरिता सिंह सहित जाजरकोटमा मात्र हालसम्म २० भन्दा धेरैकाे मृत्यु भएको जनाइएकाे छ ।
अन्य जिल्लाहररूमा पनि भुकम्पले मानविय क्षति भएकाे हुनसक्ने जनाइएकाे छ ।
राति भुकम्प गएका कारण विवरण आउन बाँकी रहेको जनाइएको छ । भुकम्प गएका कारण सबैभन्दा ठूलो क्षति जाजरकोट र सिमाना जोडिएको रुकुम पश्चिम आसपासमा भएको देखिन्छ ।
