काठमाडाैं । प्रधानमन्त्री पुष्पकमल दाहालले संसद्को सोमबारको बैठकमा सम्बोधन गर्ने भएका छन् । सभामुखको सचिवालयका अनुसार संसद् अवरोध हटाउन, भारत भ्रमणबारे जानकारीलगायत विषयमा प्रधानमन्त्रीले सम्बोधन गर्ने भएका हुन् ।
प्रधानमन्त्री दाहालले संसद्को अवरोधको विषयमा प्रमुख प्रतिपक्षी दलका नेता एमाले अध्यक्ष केपी शर्मा ओलीसँग पनि छलफल गर्ने जनाइएकाे छ ।
आइतबारदेखि बजेटमाथि छलफल गर्ने कार्यसूची रहेको थियो ।
प्रतिनिधिसभामा प्रमुख प्रतिपक्षी एमालेसहितका दलहरूको अवरोध हटाउनका लागि सभामुख देवराज घिमिरेले प्रधानमन्त्री पुष्पकमल दाहालसँग छलफल गरेका थिए । सभामुख घिमिरेले ठूला राजनीतिक दलका प्रमुख सचेतकहरूसँग पनि छलफल गरेका छन् ।
