काठमाडौँ, कात्तिक १७ गते । दुई दशकअघि नेपालमा आधुनिक मल्टिप्लेक्स संस्कृतिको थालनी गरेको पहिलो मल्टिप्लेक्स ुबिग मुभीजुले प्रविधिको तीव्र विकास र दर्शकहरूको बढ्दो अपेक्षालाई सम्बोधन गर्ने उद्देश्यले आफ्ना सिनेमा हलहरूलाई पूर्ण रूपमा नवीकरण ९च्भलयखबतष्यल० गरी अत्याधुनिक सुविधासम्पन्न बनाएको छ।
नवीकरणका क्रममा कम्पनीले आफ्नो मूल नारा “Experience Cinema, Experience the Difference” (सिनेमा अनुभव गर्नुहोस्, भिन्नता अनुभव गर्नुहोस्) लाई सार्थक बनाउन हलका हरेक पक्ष—प्रविधि, ध्वनि, सिट र वातावरणमा अन्तर्राष्ट्रिय स्तर कायम गरेको छ।
काठमाडौँको कमलपोखरीस्थित सिटी सेन्टरमा रहेको बिग मुभीजको हलमा ‘स्टेट-अफ-द-आर्ट’ (State-of-the-art) दृश्य प्रविधि Barco 4K RGB Laser Projector जडान गरिएको छ। कम्पनीले युरोपेली ब्रान्डको बहुचर्चित Barco SP4K–20C (Series 4) स्मार्ट लेजर प्रोजेक्टर भित्र्याएको हो, जसमा २१,००० ल्युमेन्स (Lumens) को चमक (Brightness) र 4K (4096×2160) को नेटिभ क्यापिसिटी (Native Resolution) रहेको छ।
पर्दामा चलचित्रका दृश्यहरूलाई अत्यन्त स्पष्ट, चम्किलो र जीवन्त बनाउन कम्पनीले ठूलो रकम खर्चिएर यो प्रोजेक्टर जडान गरेको हो। चलचित्रको दृश्यमा वास्तविक र उच्च गुणस्तरीय रङ संयोजनका लागि ९८.५% भन्दा बढी Rec. 2020 र DCI A3 कलर स्पेस सपोर्ट गर्ने प्रविधि अपनाइएको छ। दृश्यहरूलाई अझ स्पष्ट र आकर्षक बनाउन हलहरूमा १९x४३ फिट, २०x४३ फिट र २०x४६ फिट आकारका विशेष सिल्भर स्क्रिन (Silver Screen) राखिएका छन्।
ध्वनि प्रविधितर्फ बिग मुभीजले Dolby Atmos 64–Channel System जडान गरेको छ। परम्परागत साउन्ड सिस्टमभन्दा फरक, हरेक स्पिकरलाई स्वतन्त्र अडियो फिड दिने गरी ६४-च्यानल डल्बी एटमस प्रविधि जोडिएको हो।
हलको ओभरहेड र चारैतिर राखिएका स्पिकरहरू तथा CP950A साउन्ड प्रोसेसरको मद्दतले १२८ वटासम्म साउन्ड अब्जेक्ट (Sound Objects) हरूलाई एकैपटक नियन्त्रण गरी दर्शकलाई चारैतर्फबाट वास्तविक ध्वनिको अनुभव गराइन्छ। विशेष गरी एक्सन तथा साउन्ड-इन्टेन्सिव चलचित्रहरूमा दर्शकले थप रोमाञ्चक अनुभव लिन सक्नेछन्।
दर्शकको सुविधा र आरामलाई ध्यानमा राख्दै नयाँ लक्जरी तथा अर्गोनोमिक सिटिङ (Premium Seating) को व्यवस्था गरिएको छ।
- च्याम्पियन सिरिज थिएटर कुर्सी: दर्शकको सहजताका लागि २५५ वटा २२ इन्चका ‘च्याम्पियन सिरिज’ कुर्सीहरू राखिएका छन्। यी कुर्सीहरूमा एड्भान्स अर्गोनोमिक्स, रिच ल्यामिनेटेड फ्याब्रिक र थ्री-पोजिसन लकिङ सुविधा रहेको छ।
- रोयल लक्जुरिया क्रिम कलर रिक्लाइनर: थप विलासी र आरामदायी अनुभवका लागि २९ वटा २९ इन्चका ‘रोयल लक्जुरिया’ रिक्लाइनरहरू जडान गरिएको छ।
हलभित्र नयाँ कार्पेटिङ, एकोस्टिक वाल कभरिङ र आधुनिक लाइटिङको व्यवस्था गरी पूर्ण रूपमा नयाँ वातावरण तयार पारिएको बिग मुभीजका अध्यक्ष राजेन्द्र अर्यालले मङ्गलबार आयोजित पत्रकार सम्मेलनमा जानकारी दिनुभयो।
पत्रकार सम्मेलनमा बोल्दै अध्यक्ष अर्यालले भन्नुभयो, “नेपालको पहिलो मल्टिप्लेक्सको पहिचान बनाएको बिग मुभीजले प्रविधि र सुविधामा सधैँ पहिलो र अगाडि रहने आफ्नो इतिहासलाई यो व्यापक नवीकरणमार्फत पुनः प्रमाणित गरेको छ। अब बिग मुभीजमा चलचित्र हेर्नु पर्दामा दृश्य हेर्नु मात्र हुने छैन, यो पूर्ण रूपमा कथा र वातावरणलाई महसुस गर्ने एउटा अविस्मरणीय अनुभव हुनेछ भन्ने विश्वास हामीले लिएका छौँ।”
उहाँका अनुसार अब दर्शकले बिग मुभीजमा उत्कृष्ट पिक्चर, साउन्ड, कम्फर्ट र समग्र सिनेमाको बहुआयामिक अनुभव लिन पाउनेछन्।
