काठमाडौं । ग्लोबल आइएमई क्यापिटल लिमिटेडको १९ औं वार्षिक साधारण सभा ला हिमालयन होटल लाजिम्पार्टमा आश्विन १४ गते भब्य रुपमा सम्पन्न भएको छ ।ग्लोबल आइएमई क्यापिटल लिमिटेडले चुनौतीपूर्ण बजार परिस्थितिका बीच पनि सन्तोषजनक वित्तीय प्रदर्शन गर्दै आफ्ना सेयरधनीहरूका लागि १५ प्रतिशत वोनश शेयर पारिज गरेको छ, जसमा ५ प्रतिशत वोनश शेयर र १० प्रतिशत नगद लाभांशको घोषणा गरेको छ ।
कम्पनीले आर्थिक वर्ष २०८२/८३ मा ८५.७६ मिलियन रुपैयाँ खुद नाफा (Profit After Tax) आर्जन गर्न सफल भएको छ। सोही अवधिमा कम्पनीको कुल सञ्चालन आम्दानी (Total Operating Income) २३०.२६ मिलियन रुपैयाँ पुगेको छ भने कर अघिको नाफा (Profit Before Tax) ९३.२२ मिलियन रुपैयाँ रहेको छ। यस आर्थिक वर्षमा कम्पनीको प्रतिसेयर आम्दानी (EPS) १७.३६ रुपैयाँ र इक्विटीमा प्रतिफल (ROE) ९.७२ प्रतिशत कायम भएको छ।
लाभांश प्रस्ताव र व्यावसायिक सुदृढीकरण
कम्पनीको बलियो पुँजीगत स्थिति र दीर्घकालीन रणनीतिक योजनालाई ध्यानमा राख्दै सञ्चालक समितिले आर्थिक वर्ष २०८२/८३ का लागि १५ प्रतिशत बोनस सेयर र १० प्रतिशत नगद लाभांश (कर सहित) वितरण गर्ने प्रस्ताव गरेको छ। यो प्रस्ताव नियामक निकाय र आगामी वार्षिक साधारण सभाबाट स्वीकृत भएपछि कार्यान्वयन हुनेछ। योसँगै कम्पनीले हालसम्म वितरण गरेको कुल लाभांश २५८ प्रतिशत पुगेको छ।
म्युचुअल फन्डहरूको प्रदर्शन
- ग्लोबल आइएमई ब्यालेन्स फन्ड १: यस योजनाले आफ्नो निरन्तरता कायम राख्दै यस वर्ष पनि १२ प्रतिशत नगद प्रतिफल वितरण गरेको छ, जसले यसको स्थिर फन्ड व्यवस्थापन शैलीलाई झल्काउँछ।
- ग्लोबल आइएमई सम्मुन्नत योजना II: सञ्चालनको पहिलो वर्षमा रहेको र प्रारम्भिक लगानी निर्माणको चरणमा भएकाले यस वर्ष लाभांश प्रस्ताव नगरे तापनि दीर्घकालीन रूपमा यसले राम्रो प्रतिफल दिनेमा व्यवस्थापन पूर्ण रूपमा विश्वस्त देखिन्छ।
पञ्चवर्षीय रणनीतिक मार्गचित्र र आगामी योजना
कम्पनीले व्यवसाय विस्तार र सेयरधनीहरूका लागि दीर्घकालीन मूल्य सिर्जना गर्न आर्थिक वर्ष २०८३/८४ देखि २०८७/८८ सम्मको पञ्चवर्षीय रणनीतिक मार्गचित्र स्वीकृत गरेको छ। यस अन्तर्गत आगामी ३ वर्ष (आर्थिक वर्ष २०८५/८६) भित्र बोनस सेयर जारी गर्दै आफ्नो चुक्ता पुँजी हालको ४९.३९ करोड रुपैयाँबाट १०० करोड रुपैयाँ (१ अर्ब) पुर्याउने लक्ष्य राखेको छ।
यस मार्गचित्र अनुसार पहिलो वर्षमा खुलामुखी म्युचुअल फन्ड (Open-Ended Mutual Fund) निष्कासन गर्ने, दोस्रो वर्षमा बजार पहुँच र सम्पत्ति व्यवस्थापन क्षमता बढाउने, तेस्रो वर्षमा नयाँ बन्दमुखी म्युचुअल फन्डहरू ल्याउने र पाँचौँ वर्षमा कम्पनीलाई पब्लिक लिमिटेडमा सूचीकृत (Public Listing) गर्ने महत्वाकांक्षी तथा सकारात्मक योजना अघि सारिएको छ।
