काठमाडौँ, २५ जेठ । नेपाल टेलिकमले नेपाली फुटबल प्रेमीहरूका लागि आगामी फिफा विश्वकप २०२६ (FIFA World Cup 2026) लाई लक्षित गर्दै विशेष ‘FIFA World Cup 2026 TV Package’ र आकर्षक बोनस अफर सार्वजनिक गरेको छ। विश्व खेलकुदको महाकुम्भ फिफा विश्वकपका रोमाञ्चक खेलहरू ग्राहकसमक्ष सहज रूपमा पुर्याउने उद्देश्यले एनटीटिभी (NTTV) का सम्पूर्ण ग्राहकहरूका लागि यो प्याकेज ल्याइएको कम्पनीले जनाएको छ।
नेपाल टेलिकमका ग्राहकहरूले मात्र रु. ९९९ (कर सहित) मा यो प्याकेज खरिद गरी विश्वकपका सम्पूर्ण खेलहरूको प्रत्यक्ष प्रसारण हेर्न सक्नेछन्।
एनटीटिभी (IPTV) ग्राहकहरूले आफ्नो टेलिभिजन सेटमार्फत ‘हिमालय स्पोर्ट्स’ (Himalaya Sports) च्यानल छनोट गर्नासाथ स्क्रिनमा एउटा छुट्टै ‘एन्ट्री स्क्रिन’ (Entry Screen) देखिनेछ। उक्त स्क्रिनमा नेपाल टेलिकमको प्रिपेड वा पोस्टपेड मोबाइल नम्बर राखेपछि एउटा ओटिपी (OTP) कोड प्राप्त हुनेछ। सो ओटिपी कोड टिभी स्क्रिनमा प्रविष्ट (Enter) गरेपछि ग्राहकको मोबाइल ब्यालेन्सबाट रु. ९९९ काटिनेछ र प्याकेज तुरुन्तै सुचारु हुनेछ। यो प्याकेज नजिकैको नेपाल टेलिकम ग्राहक सेवा केन्द्रमा गएर पनि सक्रिय गराउन सकिनेछ।
टेलिकमले आफ्ना उच्च गतिको इन्टरनेट प्रयोगकर्ताहरूका लागि विशेष बोनसको व्यवस्था समेत गरेको छ। जेठ २६ गतेदेखि साउन ३ गतेसम्म वार्षिक १०० Mbps वा सोभन्दा बढी गतिको Internet विद प्रिमियम एनटीटिभी (Premium IPTV) प्याकेज नयाँ जडान गर्ने, नवीकरण गर्ने वा १०० Mbps भन्दा मुनिको प्याकेजबाट १०० Mbps वा सोभन्दा माथिको प्याकेजमा अपग्रेड गर्ने ग्राहकहरूले ‘FIFA World Cup 2026 TV Package’ बोनसका रूपमा पूर्ण रूपमा नि:शुल्क प्राप्त गर्नेछन्।
यो बोनस प्याकेज प्राप्त गर्न योग्य ग्राहकले आफ्नो मोबाइलबाट *1416# डायल गरी अफर दाबी गर्न सक्नेछन्।
आफ्ना ग्राहकहरूलाई उच्च गुणस्तरीय प्रविधि र खेलकुदको उत्कृष्ट मनोरञ्जन प्रदान गर्न नेपाल टेलिकम सधैँ प्रतिबद्ध रहेको कम्पनीले जनाएको छ। प्याकेज सम्बन्धी थप जानकारीका लागि नेपाल टेलिकमको नजिकैको ग्राहक सेवा केन्द्र, आधिकारिक वेबसाइट वा सामाजिक सञ्जालहरू सञ्चार माध्यममार्फत सम्पर्क गर्न सकिने टेलिकमले प्रेस विज्ञप्तिमा उल्लेख गरेको छ।
