काठमाडौँ, जेठ १८ , नाडा अटोमोबाइल्स एसोसिएसन अफ नेपाल (नाडा) द्वारा आयोजना हुने नेपालकै सबैभन्दा ठूलो र प्रतिष्ठित अटोमोबाइल प्रदर्शनी “नाडा अटो शो २०२६” को १८ औं संस्करणका लागि स्टल बुकिङ खुला गरिएको छ ।
आउँदो भदौ ९ गतेदेखि १४ गतेसम्म आयोजना हुने यस भव्य प्रदर्शनीका लागि आज जेठ १८ गतेदेखि जेठ २६ गतेसम्म स्टल बुकिङ खुला गरिएको नाडाले जनाएको छ ।
सवारी साधन, पार्टपुर्जा, वित्तीय सेवा एवं अन्य सम्बन्धित सरोकारवाला संघ-संस्थाहरूको साझा मञ्चको रूपमा रहने यस मेलाले नेपाली अटोमोबाइल क्षेत्रको वर्तमान अवस्था र भविष्यको दिशालाई झल्काउने विश्वास लिइएको छ ।
नयाँ प्रविधि र उत्पादनको उत्कृष्ट मञ्च
नाडा अटो शोले विगत लामो समयदेखि नेपालका अटोमोबाइल उत्पादक, आयातकर्ता, वितरक, सेवा प्रदायक तथा सम्बन्धित उद्योगहरूलाई आफ्ना नवीनतम उत्पादन, अत्याधुनिक प्रविधि र उत्कृष्ट सेवाहरू प्रदर्शन गर्ने एक महत्त्वपूर्ण अवसर प्रदान गर्दै आएको छ । यस वर्षको प्रदर्शनीमा पनि हजारौँ अवलोकनकर्ता, उद्योग व्यवसायी, लगानीकर्ता तथा सञ्चारकर्मीहरूको उत्साहजनक सहभागिता रहने अपेक्षा गरिएको छ ।
बुकिङ तथा विस्तृत जानकारी
मेलाको व्यवस्थापन ग्लोबल एक्सपोजिसन (Global Exposition) कम्पनीले गरिरहेको छ । स्टल बुकिङसम्बन्धी विस्तृत जानकारी, आवेदन प्रक्रिया, शुल्क तथा अन्य आवश्यक विवरणका लागि व्यवस्थापक कम्पनी वा सिधै सम्पर्क नम्बरहरू ९८०१५४१५३८ / ३९ वा इमेल eventsgems@gmail.com मार्फत सम्पर्क गर्न सकिने नाडाले उल्लेख गरेको छ ।
