काठमाडौं । मदिरा व्यवसायी संघ काठमाडौंले आयोजना गरेको विशेष समारोह अन्तर्गत संघको मोबाइल एप्स (Apps) को औपचारिक उद्घाटन तथा दशैं, तिहार, नेपाल संवत्, छठ र ल्होसार २०८२ का अवसरमा शुभकामना आदान–प्रदान तथा सामूहिक देउसी भैलो कार्यक्रम भव्य रूपमा सम्पन्न भएको छ।
कार्यक्रममा संघका पदाधिकारी, उद्योग व्यवसायी, सामाजिक व्यक्तित्व र सञ्चारकर्मीहरूको सहभागिता रहेको थियो।
समारोहमा Apps मार्फत संघका सदस्यलाई सेवा र सूचना प्रवाहमा सहजता ल्याउने उद्देश्य व्यक्त गरिएको थियो।
कार्यक्रमले व्यवसायीबीच आपसी सद्भाव, सहकार्य र संस्कृतिप्रतिको सम्मान झल्काएको थियो।
