- खगेन्द्र फुयाल
काठमाडौं । मुलुकमै पहिलो पटक हायू जातिको भाषा कक्षा सुरु भएको छ ।
रामेछाप नगरपालिका मुडाजोरस्थित माहाकाली आधारभूत विद्यालयमा हायू भाषा कक्षा सञ्चालनमा आएको हो ।
आइतबार हायू समाज नेपालका केन्द्रीय अध्यक्ष लक्ष्मण हायू र विद्यालयका प्रधानाध्यापक रामबहादुर घिसिङले संयुक्त रूपमा भाषा कक्षा उद्घाटन गरेको कनपा ३, सिन्धुलीका सोम हायूले जानकारी दिए ।
नेपाल सरकार जनजाति उत्थान राष्ट्रिय प्रतिष्ठानको आर्थिक सहयोगमा हायू समाज नेपाल लगायतको आयोजनामा कक्षा सञ्चालनमा आएको हो ।
भाषा संस्कृति जगेर्ना गर्न र नयाँ पुस्तालाइ आफ्नो भाषा बारेमा जानकारी गराउने उदेश्यले कक्षा सुरु गर्न लागिएको समाजले जनाएको छ ।
यसवर्ष रामेछाप, काभ्रे र सिन्धुलीमा रहेको हायु समुदायमा लक्षित गरी भाषा कक्षा संचालन गर्ने समुदायले जनाएको छ ।
भाषा प्रशिक्षकका रुपमा रमेश हायू रहेका छन ।
हायू जाति किरात समुदायमा पर्छ । सरकारले याे जातिलाइ लाेपउन्मूक समुदायमा राखेर संरक्षण गर्दै आएको छ ।
