साउन २२, काठमाडाैं । सरकारले राष्ट्रिय परिचयपत्र अभियानलाइ तिब्र पारेको छ । सर्वसाधारणले सरकारी कार्यालयबाट लिने विभिन्न सेवालाई मातहतका कार्यालयले राष्ट्रिय परिचयपत्रसँग जोड्दै आएका छन् ।
राहदानी र नागरिकता बनाउन यसअगि नै सरकारले राष्ट्रिय परिचयपत्र अनिवार्य गरेको थियो । अबभने सामाजिक सुरक्षा भत्ता, सवारी अनुमतिपत्र, जग्गाधनी पुर्जा व्यक्तिगत स्थायी लेखा नम्बर लगायतका सेवा लिन परिचयपत्र अनिवार्य चाहिने भएको हो ।
सरकारले आउदो साउन १ गतेदेखि २८ वटा लिल्लामा सामाजिक सुरक्षा भत्ता, स्वास्थ्य बिमा, पेन्सन, सवारी अनुमतिपत्र, जग्गाधनी पुर्जा लगायतको सेवा लिन राष्ट्रिय परिचयपत्र अनिवार्य गर्ने निर्णय गरेको थियो ।
२०८१ असार २८ गतेको मन्त्रिपरिषद बैठकले वर्षायाम सुरु भएको भन्दै हाललाई उक्त निर्णय स्थगित गरेको थियो । तर, कांग्रेस एमालेको सरकार गठन भएसंगै आगमी माघ १ गतेदेखि राष्ट्रिय परिचयपत्र अनिवार्य अभियान सुरु गरेको छ ।
आगामी माघ १ गतेदेखि माथि उल्लेखित सरकारी सेवा लिन राष्ट्रिय परिचयपत्र आवश्यक पर्नेछ ।
कसरी बनाउने राष्ट्रिय परिचयपत्र ?
राष्ट्रिय परिचयपत्र बनाउनका लागि राष्ट्रिय परिचयपत्र तथा पंजीकरण विभागको वेवसाइट https://donidcr.gov.np/ मा गएर अनलाइन आवेदन फारम भर्नुपर्छ । राष्ट्रिय परिचयपत्रको अनलाइन फारममा गएर व्यक्तिगत लगइनमा जानुपर्छ । व्यक्तिगत लगइनमा क्लीक गरेपछि आवेदकको मोवाइल नम्बर राख्नुपर्नेहुन्छ । फोन नम्बर राखेपछि उक्त नम्बरमा ४ डिजिटको ओटिपी कोड आउछ । सोही कोडका आधारमा फारमको पहिलो पानामा पुगिन्छ ।
फारम भर्दा नेपाली किबोर्ड लेआउट (रोमनाइड) अनुसार नेपालीमा लेख्नुपर्ने हुन्छ ।उक्त किबोर्ड अनुसार फारम नभरेको खण्डमा फारम अस्वीकार हुन्छ ।
अनलाइनको तीनै पानामा विवरण भरिसकेपछि आवेदकको औठा छाप लगायतको विवरण टिपाउन स्थायी ठेगाना वा नागरिकता लिएको जिल्ला प्रशासन कार्याल रोज्नुपर्छ । काठमाडौं उपत्यकामा बाहिर स्थायी ठेगाना हुने आवेदकले काठमाडौंको हकमा नारणहिटी दरबार (पुरानो राहदानी विभाग) राख्नुपर्ने हुन्छ ।
यसरी सबै प्रकृया पुराभएपछि अनलाइन फारमको विवरण बुझाउनुपर्छ । फारम बुझाएपछि प्राप्त प्रारम्भीक आवेदन फारम प्रिन्ट गरी तोकिएको मितिमा विवरण टिपाउन तोकिएको स्थानमा जनुपर्ने हुन्छ ।
यसअगी नै राष्ट्रिय परिचयपत्रको लागि विवरण दिएका व्यक्तिले राष्ट्रिय परिचयपत्रको बने नबनेकाे थाहा पाउन https://nidsms.donidcr.gov.np/ बाट थाहा पाउन सकिन्छ ।
