असार २७, काठमाडौं । चितवनको भरतपुरस्थित मिलनचोकमा रहेको चौधरी ग्रुपको आधिकारिक विक्रेताबाट खरिद गरेको विद्युतीय सवारी साधनमा बारम्बार समस्या आउँदा पनि बेवास्ता भएको भन्दै सवारी साधनका धनीले विरोध गरेका छन्।
किनेको केही समयदेखि नै चार्ज नहुने,बीचमा रोकिने सहितका समस्या देखिएको र समाधानका लागि बारम्बार आग्रह गर्दा पनि सुनुवाइ नभएपछि बाध्य भएर गाडीको टायर बालेर शोरुमको अगाडि धर्ना बसेको सवारी धनी देवीप्रसाद सुवेदी बताए ।
‘किनेको महिना दिन नहुँदै गाडीमा समस्या आएपछि शोरुमले भनेको ठाउँमा काठमाडौंमा समेत लगेर बनाए पनि समस्या जस्ताको त्यस्तै रहेको सुवेदीले बताए । उनले भने, ‘हामीलाई कि पैसा फिर्ता चाहियो कि गाडीको समस्या समाधान हुनुप¥यो।’
लामो समय वैदेशिक रोजगारका लागि कतार बसेर फर्किएका सुवेदीले ५४ लाख ५० हजार हालेर विद्युतीय गाडी किनेको बताए।
सिजी मोटर्स मार्केटिङ विभागले समस्या समाधानका लागि प्रयास भइरहेको जनाएको छ ।
