असार १, काठमाडौं । संसद् सरकारको नियन्त्रणमा रहेको प्रतिनिधि सभा सदस्य सोविता गौतमले आरोप लगाएकी छिन । राष्ट्रिय स्वतन्त्र पार्टीकी नेतृ गौतमले शत्ति पृथकिरणको सिद्धान्त अनुसार कार्यपालिका छ, न्यायपलिका छ , व्यवस्थापिका छ तर यो किताबमा पढ्ने कुरा मात्रै रहेको बताइन । उनले भनिन ‘व्यवहारमा संसद् सरकारको नियन्त्रणमा छ । अनर्थ लाग्नसक्छ, संसद् सरकारको कठपुतली भयो भनेर भन्दै आएको छु ।’
संघीयता कार्यान्वयनका लागि बनाउनुपर्ने कानुन विचाराधीन रहेको भन्दै उनले नयाँ जनादेश आएपछिपनि संघीयता कार्यान्वयन गर्न आवश्यक कानुनका विधेयकमा काम गर्ने नसकेको उनले बताइन ।
सनिवार काठमाडौंमा आयोजित आर्टिफिसियल इन्टेलिजेन्स सम्मेलन २०८१ मा वक्ताका रुपमा बोल्दै उनले विधेयकमा काम गर्न नसकेको भन्दै त्यसको जिम्मा आफुले पनि लिने बताइन ।
उनले भनिन ‘के रहेछ भने कानुन निर्माण गर्नेतर्फ कोहीपनि गम्भीर छैनन । कुनैपनि कानुन निर्माण गर्न विधेयक सरकारले ल्याउनुपर्यो । नीजि स्तरमा विधेयक ल्याउदा विभाजन हुनेरहेछ । सकभर त्यसलाई अघि बढाउनै नदिने रहेछ , त्यसको धेरै कुराहरु रहेछ ।
सरकार पूवाग्रह हुने कुरा चाहि, को मन्त्री छ ? अनि उसलाइ के चाहिएको छ ? यो कोणबाट निर्देशित हुदो रहेछ । यसरी हेर्दा संघीयता कार्यान्वयन गर्न आवश्यक कानुन निर्माण गर्न नसक्नुमा धेरै कारकहरु रहेकाछन् । त्यसको एउटा कारण चाहि संसदले स्वतन्त्र रुपमा काम गर्न सकेको छैन । संसद् दलहरुले एकले अर्कोलाई आक्षेप लगाउने थलो भएको छ । ऐले संसदमा हेर्नुभयो भने विधागत छलफल कतिवटा भएको देख्नुहुन्छ ? त्यो भएकै छैन ।, त्यही भएर पनि हामीले कानुन बनाउन सकेका छैनौं । ’
उनले कृत्रिम बौद्धिकताको प्रयोग डेटा प्रस्तुतिकरणमा सहज हुने तर यसैमा भर पर्नेु चाहि चुनौतिपूण हुनसक्ने बताइन । कृत्रिम बौद्धिकता मानव निर्मित यन्त्र भएका कारण मानव बौद्धिकता सबैभन्दा माथि हुन्छ । कृत्रिम बौद्धिकताले विषयवस्तुमाथि जे जति विवरण राखिएको हुन्छ त्यही जानकारी दिनेहुदाँ प्रयोगका क्रममा गलत व्याख्या पनि हुनसक्ने भन्दै त्यसले समाजलाई विखण्डन तर्फ लैजान सक्ने भन्दै गणितीय प्रयोगमा यसको सान्दर्भिक हुनसक्ने उनको भनाइ छ ।
उनले कृत्रिम बौद्धिकता सम्बन्धि कानुन निर्माण गर्ने सवालमा भर्खरै विकास हुदैगरेको कृत्रिम बौद्धिकताको प्रयोगलाई मानवजीवन र पृथ्वीको हितमा प्रयोगगर्दै जनस्तरमा पुगेपछि कानुन निर्माण गर्नुपर्ने बताइन ।
