फागुन ९, काठमाडौं । सिन्धुपाल्चोक बाह्रबिसे नगरपालिका– ७ स्थित कलङ्चे अँधेरी खोलामा बोलेरो जिप पल्टिँदा त्यसमा सवार दुई स्थानीयको घटनास्थलमै मृत्यु भएको छ। दुर्घटनामा अन्य चारजना घाइते भएका छन्।
मृत्यु हुनेमा बाह्रबिसे नगरपालिका– ७ कोल्दोङका दिलकुमारी प्रधान र लालमाया प्रधान छन्। उनीहरू सासू–बुहारी हुन्। गाउँबाट बाह्रबिसे बजार आउँदै गरेको बा. १२ च ४९९१ नम्बरको बोलेरो सडकबाट खोलामा खसेको प्रहरीले जनाएको हो।
दुर्घटनास्थल पुगेका इलाका प्रहरी कार्यालय बाह्रबिसेले घाइतेको उद्धार गरेर बाह्रबिसे अस्पताल पुर्याएकाे थियाे । घटनास्थलमा प्रहरी र स्थानीय जम्मा भएर मृतकलाई खोलाबाट झिकेका छन्।
