काठमाडाैं । परराष्ट्र मन्त्रालयकी सहसचिव सेवा लम्साल सचिवमा बढुवा भएकी छन्। बिहीबार बसेको मन्त्रिपरिषद्को बैठकले उनलाई सचिवमा बढुवा गरेको हो।
शाखा अधिकृतका रूपमा निजामती सेवामा प्रवेश गरेकी सेवा लम्साललाई गत शुक्रबार लोक सेवा आयोगले सचिवमा बढुवा गर्न एकल सिफारिस गरेको थियो।
गत मंसिर १९ गते सचिव भरतराज पौड्यालको समयावधि समाप्त भएसँगै उनले निमित्त सचिवको जिम्मेवारी लिइसकेकी थिइन्।
