सिन्धुलीबाट बलराम अधिकारीको सहयोगमा
सिन्धुली । हायसको ठक्करबाट बिहिबार सन्धुलीमा ९ वर्षिय बालिकाको मृत्यु भएको छ । बिपि राजमार्ग अन्तर्गत सिन्धुलीको कमलामाई नगरपालिका ७ माझिटारमा सडक क्रश गर्न लाग्दा हायसको ठक्करबाट तिनपाटन गाउँपालिका ११ का कमल पाख्रिन पाख्रिनको ९ बर्षिया छोरी ममता पाख्रिनको मृत्यु भएको हो ।
गम्भिर घाइते भएकी बालिकाकाे सिन्धुली अस्पतालमा उपचारको क्रममा निधन भएको अस्पतालले जनाएको छ ।
थप उपचारको लागि हेलिकप्टर मार्फत काठमाडाैं लैजाने तयारीका गरिहदा १२ः४५ बजे बालिकाको मृत्यु भएको अस्पतालले घोषणा गरेको थियो ।
तिनपाटनबाट काठमान्डौँ जाने क्रममा गाडि बिग्रिएर बनाउँदै गर्दा बालिका गाडिबाट ओर्लिएर पानी किन्नको लागि सडक काट्न लाग्दा काठमान्डौँबाट काँकडभिट्टा तर्फ जाँदै गरेको बा ४ ख ६२७३ नम्बरको हाइयसले ठक्कर दिएको जिल्ला प्रहरी कार्यलय सिन्धुलीका प्रबक्ता डिएसपी चिरन्जीवी दाहालले जानकारी दिए ।
ठक्कर दिने हाइएस प्रहरीको नियन्त्रणमा लिएको छ, भने गाडि चालक फरार रहेकाले खोजिकार्य भइरहेको प्रहरीले जनाएको छ ।
