(सिन्धुलीबाट बलराम अधिकारीको सहयोगमा)
सिन्धुली । काठमाडौवाट सिन्धुली आउँदै गरेको कार विपी राजमार्ग अन्तरगत पिपलभन्ज्याङ्गमा र्दुघटना हुँदा दुई जनाको घट्नास्थलमै मृत्यु भएको छ । दुर्घटनामा एकजना गम्भीर घाइते भएका छन् ।
काठमाडाैंबाट सिन्धुली तर्फ आउने क्रममा विपी राजमार्ग अन्तरगत पिलभन्ज्याङमा बा ८ च ९१३५ नम्बरको कार आइतबार बिहान दुर्घटना भएको जिल्ला प्रहरी कार्यालय सिन्धुलीले जनाएको छ ।
मृत्यु हुनेमा सिन्धुली मरिण गा.पा. कपिलाकोट घरभई काठमाण्डौं गौरीघाट बस्ने बर्ष ४३ को साहारा प्रसाई र झापा चारपानेका ५० वर्षीय कुमार पुरी रहेको जिल्ला प्रहरी कार्यालय सिन्धुलीका प्रहरी प्रमुख राजकुमार सिलवालले बताए ।
गम्भिर घाईते प्युठानका योगेन्द्र थापाको सिन्धुली जिल्ला अस्पताल सिन्धुलीमाढीमा उपचार भई रहेको छ ।
रातो ग्रेटवाल कार अनियन्त्रित भई सडकबाट बांया २० मिटर तल भिरमा खसी दुर्घटना भएको प्रहरीले जनाएको छ ।
