सिन्धुलीबाट बलराम अधिकारीको सहयोगमा ।
सिन्धुली । सिन्धुलीको फिक्कल गाउँपालिका वडा नम्वर ३ स्थित खुरहरीमा ढुँगाले थिचिएर आज एकको मृत्यु भएको छ । ३५ बर्षिय टेकबहादुर परियारको ढुंगा निकाल्ने क्रममा कान्लाबाट ढुँगा सहितको पहिरो खस्दा च्यापिएर मृत्यू भएको जिल्ला प्रहरी कार्यालय सिन्धुलीले जनाएको छ ।
त्यस्तै, सिन्धुलीको तीनपाटन गाउँपालिका वडा नम्वर २ भिमस्थान स्थित गैरीमा आज वोलेरोसँग मोटरसाईकल ठोक्किदा मोटरसाईकल चालक गम्भिर घाईते भएको छ ।
चकमकेबाट सिन्धुलीमाढी आउदै गरेको बा प्र ०१–०२७ च ४३७२ नम्वरको वोलेरोले सिन्धुलीबाट भिमस्थान जादै गरेको वा ८ प ६४५८ नम्वरको मोटरसाईकललाई ठक्कर दिदाँ मोटरसाईकल चालक गम्भिर घाइते भएका हुन ।
कमलामाई नगरपालिका ७ रामपुर निवासी वर्ष २५ का मोटरसाईकल चालक तेजबहादुर सिँजाली मगरलाई उपचारका लागि सिन्धुली अस्पताल ल्याइएको थियो । टाउकोमा गम्भिर चोट लागेको कारण घाइते सिँजाली मगरलाई चिकित्कसको सल्लाहमा थप उपचारका लागि हेलीकप्टर मार्फत काठमाडौ लगिएको छ ।
यसैगरी आज विहान ११ वजे कमलामाई नगरपालिका २ पौवा गढी नजिकै मोटरसाईकल दुर्घटना हुँदा मोटरसाईकल सवार दुई गम्भिर घाइते भएका छन् ।
काठमाडौबाट सिरहा जाँदै गरेको स ५ प ७२९६ नम्वरको मोटरसाईकल अनियन्त्रीत भई सडक भन्दा १५० मिटर तल खसेको थियो । घटनामा मोटरसाईकल चालक सिरहा जिल्ला कर्जन्वा नगरपालिका १० निवासी वर्ष ३६ का खलिल मन्सुरी र पछाडी सवार सोहि स्थानका वर्ष २३ का एजाद खान गम्भिर घाइते भएको जिल्ला प्रहरी कार्यालय सिन्धुलीले जानकारी दिएको छ । दुवैलाई थप उपचारको लागि काठमाडौ लगिएको छ ।
