१७ फागुन, काठमाडौं । संसद भवन परिसरमा प्रवेश गरेको आरोपमा पक्राउ परेका लघुवित्तका ऋणीहरु रिहा भएका छन् ।
जिल्ला प्रशासन कार्यालय, काठमाडौंले हाजिर जमानीमा छाडेको जिल्ला प्रहरी परिसर, काठमाडौंले जनाएको छ । देशका विभिन्न स्थानबाट काठमाडौं आइ प्रदर्शन गरिरहेका लघुवित्त ऋणीहरु १४ फागुनमा संसद भवन परिसरमा प्रवेश गरेर नाराबाजी गरेका थिए ।
प्रहरीले ४८ महिला र एक पुरुषलाई पक्राउ गरेको थियो । स्थानीय प्रशासनले शान्ति सुरक्षामा खलल पु¥याएको अभियोगमा अनुसन्धानका लागि ७ दिन थुनामा राख्न अनुमति दिएको थियो ।
