काठमाडौं । राष्ट्रिय जनमाेर्चाका अध्यक्ष चित्रबहादुर केसीले नेपाल संघीय प्रणाली राजनीतिक स्थायीत्व हुन नसकेको भन्दै लाजनमानी देशलाई प्रजातन्त्रीक विकेन्द्रीकरणमा लैजानुपर्ने बताए ।
प्रतिनिधि सभाको आइतबार बसेको प्रतिनिधि सभाको बैठकमा बोल्दै अध्यक्ष केसीले भने ‘एउटा प्रदेशको ६ बर्षसम्म न्वारन हुन्न, कोशी प्रदेशको । संविधानमा लेखिए अनुसार त्यसको न्वारन पनि हुन्छ ।
न्वारनमा बाहुनहरुले नाम किटानी गरिसकेपछि, तो नाम भएन भनेर तपाइको चाहि फेरी त्यहा उत्पात मच्चिन्छ । कतिचोटी त्यहा सरकार बने, कति भत्किरहेछन् । यो जात्रा देख्न र सुन्न नेपाली जनताले पर्या छ । तैपनि चाहि अब संघीयताको मुरली मान्यज्यूहले बजाइरहनुभा छ ।
त्यसकारण संघीयताले गरेर खाएन । देख्नुभएन ? मुख्यमन्त्रिहरुलाई काठमाडौंको भैसेपाटिमा राख्न दरबार बनाउने हो ? वहाहरु परदेशबाट यहा बास बस्न हरे, कठैबरा …। यही हो ? अब चल्छ संघीयता ? सक्नुहुन्छ तपाइहरुले धान्न ? सक्नुहुन्छ ? लाज नमानिकन प्रजातन्त्रीक विकेन्द्रीकरण गरौं, । नगरपालिका र गाँउपालिकालाई अधिकार दिउँ ।
नेपाल चाहि एकात्मक प्रणालीको विकल्प संघात्मक प्रणाली हुदैहैन । नेपाली जनताले महसुस गरिसके, हामीले यहा जति घोक्रो फुलाएपनि नेपाली जनतालाई यो मान्य छैन भनेर हामीले देखाइसक्यौं, कोशीमै देखाइराछौं । अब फेरी चारपानदिन पछि अर्को मुख्यमन्त्री हुनकोलागि दमदास छ । यस्तो देख्दादेख्दै किन हामीले लाज पचाइराख्या छौं ? हामीले किन जवरजस्ती गरिराख्या छौं ?
त्यसोहुनाले विकसित देश त छन त एकात्मक प्रणाली अनुसार, बेलायत के हो ? जापान के हो ? त्यसो भको हुनाले त्यसमा विचार गरौं । मेरो चाहि सहर्ष सुझाव हो । ’
