फागुन १७, काठमाडौं । शर्मिला वाइबालाई चार दिन हिरासतमा राख्न अदालतले अनुमती दिएको छ ।
जिल्ला अदालत काठमाडौंले कुटपिट गरेको कसुरमा अनुसन्धानका लागि वाइबालाई हिरासतमा राख्न अनुमति दिएको प्रहरी जनाएको छ ।
शर्मिलासहितको समूहले कुटपिट गरेको भन्दै कलाकार पवन खतिवडाले जाहेरी दिएपछि उनलाई सिन्धुपाल्चोकबाट पक्राउ गरेर प्रहरीले ल्याएको थियो ।
घरायसी विवादमा उनले युट्युबर समेत लिएर व्यक्तिगत गोपनियतामा प्रवेश गरेको र कुटपिट समेत गरेको भन्दै खतिवडाले जाहेरी दिएका थिए । उनीविरुद्ध अन्य व्यक्तिले पनि उजुरी दिएको जनाइएको छ ।
