काठमाडौं । वीर अस्पतालको पुरानो भवनको छलको पर्खाल भत्किँदा चार जना बिरामीका कुरुवा घाइते भएका छन् । आइतबार दिँउसो अस्पतालकाे बिचमा रहेको रातो भवनको छत भत्किएको हो ।
लगातार बर्षाको कारण पुरानो इट्टाको पर्खाल भत्किएको अस्पतालका कार्यकारी निर्देशक डा. सन्तोष पौडेलले जानए । सो भवन २०३६ सालमा निर्माण भएको थियो ।
पर्खाल भत्किएसँगै तल करिडोरमा भएका चार जना बिरामीको कुरूवा सामान्य घाइते भएका छन् ।
‘पर्खालबाट केही इँट्टा जस्ताको छतमा खसेको थियो । जहाँ हामीले बिरामी कुर्ने कुरुवाको लागि बस्ने ठाउँ पनि बनाएका थियौं’, डा. पौडेलले अनलाइनखबरसँग भने, ‘केही इँटा छिरेर तल करिडोर बसेका बिरामीको कुरुवालाई लागेछ ।’
डा. पौडेलका अनुसार गम्भीर चोट भने लागेको छैन । घाइतेको वीरमा उपचार भइरहेको छ ।
