मकवानपुर–१ मा राष्ट्रिय प्रजातन्त्र पार्टीका दीपकबहादुर सिंह निर्वाचित भएका छन् । मतगणनाको अन्तिममा परिणाम उल्ट्याएर सिंह विजयी भएका हुन्।
मतगणनाको शुरुवाती चरणमा तेस्रो स्थानमा रहेका सिंहले अन्तिम परिणाम २७८१६ मत पाए भने पहिलेदेखि अग्रता लिइरहेकी कांग्रेसकी डिना उपाध्यायले २५४३४ मत पाइन् ।
एमालेको चुनाव चिन्हबाट लडेका कमल थापाले २५४२० मत पाएका छन्।
सिंह गत स्थानीय निर्वाचनमा राप्रपाबाट हेटौंडा उपमहानगरपालिकाका मेयर उम्मेदवार बनेका थिए ।
