काठमाडौं । आज यमपञ्चक अर्थात तिहारको भाइटिका दिदीबहिनी नहुनेहरूका लागी टिका लागाउन काठमाडाैंकाे रानीपाेखरीमा रहेकाे बालगोपालेश्वर मन्दिर खुला गरिएको छ । भाइटीकाको टीका आज दिनभर लगाउन कुनै बाधा नभए पनि साइत खोज्नेका लागि बिहान ११ : ३७ बजेको समय उत्तम रहेको नेपाल पञ्चाङ्ग निर्णायक समितिले जनाएको छ ।
दिदीबहिनी नहुनेका लागि आज एक दिनका लागि काठमाडौँको रानीपोखरीका बीचमा रहेको बालगोपालेश्वर मन्दिर खुला गरि सामुहिक टिका लागाउने प्रचलन रहेकाे छ ।
बालगोपालेश्वर मन्दिर वर्षमा एकपटक आजैका दिनमात्र खुल्ने गर्दछ । दिदीबहिनी एवं दाजुभाइ नहुने भाइटीकाका दिन यसै मन्दिरमा गई पूजा, दर्शन गरी टीका लगाउने गर्दछन् ।
