काठमाडौं । केही दिनदेखि जारी बर्षा बिहिबारसम्म कायम रहने जनाइएको छ । मौसमविद बिनोद पोख्रेलका अनुसार आगामी शुक्रबारबाट मौसममा सुधार हुने जनाएका छन् ।
उत्तरी भारतमा विकास भएको मनसुनी प्रभावका कारण देशका विभिन्न भागमा बर्षा जारी रहेको छ ।
पोख्रेलका अनुसार काठमाडौं उपत्यका सहित बागमती प्रदेश र गण्डकी प्रदेशका केही स्थानमा आज र भोली हल्कादेखि मध्यम बर्षाको प्रवल सम्भावना रहेको छ । शुक्रबारदेखि मौसममा क्रमिक सुधार आउने उनले बताए । आगामी हप्तादेखि भने मौसममा पूर्णरुपमा सुधार भई घमाइलो हुने छ ।
हाल कोशी प्रदेश, मधेश प्रदेश, बागमती प्रदेश, गण्डकी प्रदेश र लम्बिनी प्रदेशसहित देशका धेरै स्थानमा समान्यदेखि मध्यम बर्षा जारी रहेको छ ।
नेपालमा यो वर्ष मनसुन अक्टोबर २ मा बाहिरिन सक्ने मौसमविदहरुले अनुमान गरेका थिए । तर जल तथा मौसम विज्ञान विभागका अधिकारीहरूले भने यसपालि मनसुन बाहिरिन केहीदिन लाग्ने बताएका छन् ।
