काठमाडौं । केही दिन यता फ्रान्समा आक्रोसित युवाहरुको आन्दोलन जारी छ ।
ट्राफिक प्रहरी चेकिङ्गका क्रममा मंगलबार पेरिसको सुबुर्वमा १७ बर्षिय सामान ढुवानी गर्ने चालक मारिएको विषयलाई लिएर फ्रान्समा आन्दोलन जारी छ ।
आक्रोसित युवाहरुले फ्रान्सका विभिन्न शहरमा सडक अवरुद्ध गर्नुका साथै सडकमा पार्क गरिएका सवारी साधन तथा घर र सार्वजनिक सम्पत्तिमाथि आगजनी गरेका छन् ।
निर्दाेष नहेलमाथि प्रहरीले अनआवश्यक बल प्रयोग गरेको भन्दै युवाहरुले थालेको प्रदर्शन फ्रान्सका धेरै शहरहरुमा फैलिएको र आन्दोलन हिंसात्मक हुन थालेको अन्तराष्ट्रिय समाचार संस्था एपीले जनाएको छ ।
निरन्तर दुईदिनको आन्दोलन पछि गोली हान्ने प्रहरीलाई जिम्मेवारीबाट निलम्वन गरी अनुसन्धान थालिएको अलजजिराले जनाएको छ ।
विहिबार मृतक नहेलको मृत्यु संस्कारमा सहभागी हजारौं युवाहरुले दोषीमाथि कारबाही गर्न माग गरेका छन् ।
