सिन्धुली । निरन्तरको बर्षाले सोलाभञ्ज्याङ हुदै तारुफेदी जोड्ने ग्रामिण सडक अवरुद्ध भएको छ ।
बर्षाका कारण कनपा ३ स्थित तारुफेदी चपौली जाने सडक खण्डको गौलाते खोला पारी सडक माथिबाट पहिरोे खस्दा सडक अवरुद्ध भएको हो ।
आइतबार बिहान करिव ८ बजेतिर खसेको पहिरोले सडक अवरुद्ध भएको स्थानीय मनोज अधिकारी बताए ।
सडक अवरुद्ध हुँदा यातायात ठप्प हुन पुगेको छ । गाँउमा उत्पादन भएको तरकारी तथा दुध बजारसम्म लैजान समस्या भएको अधिकारीले बताए ।
विगत केही दिनदेखि परेको अविरल बर्षाका कारण जिल्लाका ग्रामण सडक अवरुद्ध भएको जनाइएको छ ।
