काठमाडौँ । त्रिभुवन विश्वविद्यालयको ४८ औं दीक्षान्त समारोह आज सम्पन्न भएको छ । २०७८ असार १ देखि गत जेठ मसान्तसम्म ट्रान्सक्रिप्ट लिएका ६२ हजार २ सय ३७ विद्यार्थी दीक्षित भएका छन् । दीक्षान्त समारोहमा सहभागीताका लागि करिब १० हजार २ सय ३७ विद्यार्थीले मात्र फारम भरेकाे त्रिविले जनाएकाे छ ।
ललितपुरको पुल्चोकस्थित इन्जिनियरिङ कलेजको ग्राउन्डमा भएको समारोहमा त्रिविका कुलपति एवं प्रधानमन्त्री शेरबहादुर देउवा, शिक्षा, विज्ञान तथा प्रविधिमन्त्री देवेन्द्र पौडेल लगायत सहभागी थिए । यस्तै कार्यक्रममा अतिथिका रुपमा भारतको सेन्टर युनिभर्सिटी अफ पञ्जाबका पूर्वउपकूलपति राघवेन्द्र पी तिवारी पनि रहेका थिए ।
समारोहमा एमफिल, विद्यावारीधि र सर्वोत्कृष्ट अंक ल्याउनेलाई पदक वितरण गरिएको छ ।
