काठमाडौं । काठमाडौं उपत्यका सहित देशका विभिन्न भागमा बढेकाे वायु प्रदूषण आझै घटेको छैन । केही दिनयता काठमाडौं विश्वकै प्रदूषित सहरको सूचीमा पहिलो नम्बरमा परेको छ ।
मंगलबार काठमाडौं उपत्यका सहित देशका पहाडी भागमा वर्षा हुने सम्भावना रहेको भएपनि काठमाडौंमा पानी नपर्दा वायु प्रदूषण घटेको छैन । सिन्धुपाल्चोक, दोलखा, काभ्रे लगायतका क्षेत्रमा सामान्य वर्षा भएपनि काठमाडौं उपत्यकामा पानी परेन ।
बुधबार विहान ७ बजे काठमाडौं उपत्यकाको वायूको गुणस्तरको २४० एक्युआइ भन्दा माथि रहेको छ । रवीभवन मापनकेन्द्र अनुसार उक्त क्षेत्रमा वायुको गुणस्तर २४० एक्युआइ रहेको छ ।
वायु प्रदूषणका कारण काठमाडौं उपत्यका सहित पोखरा र विराटनगर जस्ता सहर बाक्लो तुवालोले ढाकेको छ ।
चैत लागेसंगै बढेको वायुप्रदूषका कारण काठमाडौंमा विरामिको चाप बढेको छ । प्रदूषणले नाक सुक्ने, आँखा चिलाउने, घाटी दुख्ने जस्ता विरामी बढेका जनाइएकाे छ । यसको दिर्घकाल असर फोक्सो तथा मुटुमा देखिने विज्ञहरुले बताएका छन् ।
