काठमाडौं । रोमानियनमा गीत गाइरहेको समयमा आफु माथि बोतल प्रहार गर्ने युवकलाई प्रकाश सपुतले माफी दिएका छन् । प्रकाश सपुतले बोतल प्रहार गर्ने युवकलाई सम्झाउँदै उनको र परिवारको भविष्य सम्झेर आफूले पनि माफी दिएको र आयोजकलाई पनि माफी दिन आग्रह गरेको बताएका छन् ।
भिडियोमा प्रकाश सपुतले पीडकमाथि कुनै कारबाही नगर्न पनि आयोजकलाई आग्रह गरेका छन् सार्वजनिक भएको छ । उनले पीडक युवकलाई रक्सी छाड्न पनि आग्रह गरेका छन् ।
बोतल प्रहार गर्ने युवकले भने आफूबाट अन्जानमा गल्ती भएको र कसैलाई पनि त्यसो नगर्ने आग्रह गर्दै माफी मागेका छन् ।
सपुतले यो घटनाले आफ्नो पनि मनोबल कमजोर भएको र भविष्यमा कार्यक्रममा सहभागी हुन पनि डर लागिरहेको बताएका छन् ।
