आगामी तीन दिनको मौसम : थाहा पाउनुहोस कहा कस्तो रहन्छ

काठमाडौं । मौसम पूर्वानुमान महाशाखाले आगामी तीन दिनको मौसम पूर्वानुमान प्रकाशन गरेको छ । हाल देशमा स्थायी तथा पश्चिमि वायुको आंशिक प्रभावका कारण आगामी तीन दिन देशका पहाडी भागमा आंशिक बद्ली हुने जनाएको छ ।

प्रकाशन अनुसार चैन २२ गते बुधबार दिउसो देशका पहाडी भेगमा आंशिक बद्ली भई अन्य स्थानमा सामान्य रहने जनाएको छ । राति पनि देशका पहाडी भागमा आंशिक बद्ली भइ अन्य स्थानमा मौसम सफा रहने जनाएको छ ।

यस्तै चैत २३ गते बिहिबार देशको पहाडी भागका एकदुई स्थानमा मेघ गर्जनका साथै आंशिक बद्ली भई अन्य स्थानमा मौसम सामान्यतया सफा रहने जनाएको छ । राति पनि देशका पहाडी भागमा आंशिक बद्ली भइ अन्य स्थानमा मौसम सफा रहने जनाएको छ ।

चैत २४ गते शुक्रबार देशको पहाडी भागका एकदुई स्थानमा मेघ गर्जनका साथै आंशिक तथा क्षेणिक बर्षा भई अन्य स्थानमा मौसम सामान्यतया सफा रहने जनाएको छ । राति पनि देशका पहाडी भागमा आंशिक बद्ली भइ अन्य स्थानमा मौसम सफा रहने जनाएको छ ।