काठमाडाैं । कीर्तिपुर बर्न अस्पतालमा उपचाररत अर्थमन्त्री विष्णु पौडेललाई डिस्चार्ज गरिएको छ। जलनबाट बर्न अस्पतालमा उपचाररत अर्थमन्त्री पौडेल डिस्चार्ज भएका हुन्। उनलाई सोमबार डिस्चार्ज गर्ने निर्णय भएको अस्पतालले जनाएको छ।
पोखरा महानगरपालिकाका मेयर धनराज आचार्यको पहिलेदेखि नै उच्च रक्तचापको समस्या भएको कारण हृदयरोग विशेषज्ञसँग परामर्श भइरहेको अस्पतालले जनाएको छ। उनको केही दिन थप उपचार हुने पनि अस्पतालले बताएको छ। संक्रमणको जोखिम कायमै रहेकाले भेटघाट भने बन्द गरिएको अस्पतालले बताएको छ।
शनिबार पोखरा भ्रमण वर्ष उद्घाटनका क्रममा प्रज्ज्वलनशील पदार्थ भरिएको बेलुन बिस्फोट हुँदा अर्थमन्त्री पौडेल र मेयर आचार्य जलनमा परेका थिए। अर्थमन्त्री र मेयरको अनुहार, गर्धन, घाँटी तथा गालाको भागमा जलन भएको थियो।
