काठमाडौं । नेकपा (एमाले)का अध्यक्ष केपी शर्मा ओली र प्रधानमन्त्री पुष्पकमल दाहाल ‘प्रचण्ड’बीच आज बालुवाटारमा भेटवार्ता भएको छ ।
भेटमा अध्यक्ष ओलीका साथमा उपाध्यक्ष विष्णु पौडेल र संसदीय दलका सचेतक महेश वर्तौलासहितका नेताहरू सहभागी हुनुहुन्थ्यो । भेटमा समसामयिक विषयवस्तुका साथै सुन तस्करीबारे उच्चस्तरीय समिति गठनमा भइरहेको ढिलाइबारे छलफल भएको थियो ।
उहाँहरूको भेटलगत्तै प्रमुख प्रतिपक्ष दल नेकपा (एमाले)को मागबमोजिम सरकारले उच्चस्तरीय छानविन आयोग गठन गरेको छ । मन्त्रिपरिषद्को आज बसेको बैठकले उच्च अदालतका पूर्व न्यायाधीश डिल्लीराज आचार्यको संयोजकत्वमा चार सदस्यीय आयोग गठन गरेको हो ।
अध्यक्ष ओलीले प्रधानमन्त्रीसँगको भेटमा चर्को मुल्यबृद्धिका कारण जनता मारमा परेकोप्रति सरकारको ध्यानाकर्षण गराउनुभएको थियो ।
