अंशुवर्मा र दिपिका थापाको म्युजिक भिडियो सुन चाँदी, धन सम्पत्ती भाग –२ रिलिज

काठमाडौं । भदौं ४, गायक÷गायीका टेक वि सी र एलिना चौहानको म्युजिक भिडियो सुन चाँदी, धन सम्पत्ती भाग –२ आज एक कार्यक्रम बिच रिलिज गरिएको छ ।
कलाकार अंशुवर्मा र दिपिका थापाले मोडलिङ गरेको उक्त म्युजिक भिडियोमा नेपालको वर्तमान परिवेशमा युवा जनशक्ति वाध्यताबस आफ्नो मातृभूमी, आफन्त र प्रियजनलाई छोडेर पराईभूमीमा आफ्नो अमुल्य जीवन विताउन वाध्य छन भन्ने वास्तविकतालाई मर्मस्पर्सी ढंगबाट प्रस्तुत गरिएको छ ।
उक्त कार्यक्रममा प्रमुख अतिथि दिपाश्री निरौलाले टिक टकबाट आफ्नो परिचय दिन सफल तथा समाजसेवीका रुपमा परिचित अंशुवर्मालाई यसरी म्युजिक भिडियोमा देख्न पाउँदा आफु अत्यन्त खुशी भएको र आगामी दिनमा उनी र सम्पूर्ण म्युजिक भिडियो निर्माण टिमलाई नै सफलता मिलोस भन्ने शुभकामना दिएकी थिइन ।
उक्त म्युजिक भिडियोमा निर्देशक तथा कथा अनुपचन्द ठकुरीको रहेकोछ भने प्राकृतिक सौन्दर्य भरिएको पहाडका मनोरम दृश्यहरुमा छाँयाङ्कन गरिनुका साथै दर्शकहरुले मनपराउने निर्माताले विश्वास लिएका छन् ।