काठमाडौँ / सानिमा बैंक र नेपाल क्लियरिङ्ग हाउस लिमिटेड (एनसीएचएल)बीच नेशनल कार्ड स्किम अन्तर्गतको नेपाल पे कार्ड र एनपिएस–एनसिएसमा प्रिन्सिपल मेम्बरसिपका लागि सम्झौता भएको छ।
उक्त सम्झौतापत्रमा दुवै पक्षका उच्च पदाधिकारीको उपस्थितिमा हस्ताक्षर तथा आदानप्रदान गरिएको छ।
सम्झौता पश्चात, सानिमा बैंकले एनपिएस–एनसिएसमा आफ्नो स्वीच इंटिग्रेसन सम्पन्न गरी आफ्ना ग्राहकलाई नेपाल पे कार्ड जारी गर्न र नेपाल पे कारोबार अक्वायर गर्न सक्षम हुनेछ।
हालसम्म ३३ बैंक तथा वित्तीय संस्था एनपिएस–एनसिएसमा प्रिन्सिपल मेम्बरको रूपमा आवद्ध भइसकेका छन्, जसमा १२ संस्थाले लाइभ अपरेसन सुरु गरिसकेका छन्।
एनसीएचएलले हालै नेपाल पे कार्डको व्यवसायिक रोलआउट सुरु गरेको छ। अन्तराष्ट्रिय नेटवर्क डिस्कभरसँगको सहकार्यले नेपाल पे कार्डलाई विश्वव्यापी प्रयोगयोग्य बनाएको छ। यसरी जारी हुने नेपाल पे कार्डहरू एटीएम तथा पीओएस टर्मिनलमा नेपाल र विश्वभर प्रयोग गर्न सकिनेछन्।
एनपिएस–एनसिएस प्रणालीले डोमेस्टिक कार्ड कारोबारको राउटिङ्ग र सेटलमेन्टको लागि सेन्ट्रल कार्ड स्विचको भूमिका निर्वाह गर्दै लागत घटाउने, डाटा लोकलाइजेशन सुनिश्चित गर्ने र डिजिटल इकोसिस्टममा नवीनतम उपकरण विकास तथा प्रवर्द्धन गर्ने अपेक्षा गरिएको छ।
सानिमा बैंक देशभरीका १०६ शाखा, २८ विस्तारित काउन्टर र १२७ एटीएम टर्मिनलमार्फत ग्राहकलाई आधुनिक बैंकिङ्ग तथा वित्तीय सेवा प्रदान गर्दै आएको छ। यस सम्झौताले बैंकको कार्ड सेवा सुविधा अझ सशक्त र प्रविधि–केन्द्रित बन्ने विश्वास व्यक्त गरिएको छ।
