काठमाडौँ / एनआईसी एशिया बैंकका ग्राहकहरूले रुपन्देहीको देवदह मेडिकल कलेज एण्ड रिसर्च इन्स्टिच्युटमा उपचार गर्दा विशेष छुट पाउने भएका छन्। बैंक र अस्पतालबीच भएको सम्झौता अनुसार, बैंकका ग्राहकहरूले डिजिटल भुक्तानीमार्फत सेवा लिँदा ५० प्रतिशतसम्म छुट प्राप्त गर्न सक्नेछन्।
सम्झौताअनुसार ओपिडी टिकेटमा ५० प्रतिशत, सामान्य बेड चार्जमा २५ प्रतिशत, आइसियूरएनआइसियूरपिआइसियूरसिसियूमा १० प्रतिशत, सर्जिकल ट्रिटमेन्टमा १५ प्रतिशत, प्याथोलोजिकल ल्याब र रेडियोलजिकल सेवामा १५ प्रतिशत (सिटी र एमआरटिबाहेक) तथा अन्य सेवामा १० प्रतिशत छुट सुविधा उपलब्ध हुनेछ।
ग्राहकहरूले सुविधा उपयोग गर्न बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत भुक्तानी गर्नुपर्नेछ।
एनआईसी एशिया बैंकका अनुसार, यस सहकार्यले ग्राहकहरूलाई छुट सुविधा मात्र उपलब्ध गराउने छैन, डिजिटल भुक्तानी प्रणाली प्रवर्द्धन गर्दै नगदरहित कारोबारलाई समेत प्रोत्साहित गर्ने विश्वास लिइएको बैंकले जनाएको छ।
