काठमाडौ , असोज ४,नेपाल पुस्तक तथा स्टेसनरी व्यवसायी महासंघको आयोजनामा आज असोज ४ गते वर्ल्ड ट्रेड सेन्टर, त्रिपुरेश्वरको चौथो तल्ला DECC Nepal Pvt.Ltd. मा नेपाल एजुकेसन एण्ड टोय एक्स्पो २०२३ को समुद्घाटन कार्यक्रम सम्पन्न भएको छ।
उक्त कार्यक्रमको अध्यक्षता महासंघका अध्यक्ष श्री सन्जय कुमार चौधरीज्युले गर्नुभएको थियो भने प्रमुख अतिथीको रुपमा पोखरा महानगरपलिकाका प्रमुख तथा महासंघका पूर्व अध्यक्ष श्री धनराज आचार्यज्यु, बिशिष्ट अतिथीका रुपमा इन्फोटेक रिसर्चका निर्देशक श्री विक्रम गोयलज्यु, अतिथीहरुमा महासंघका संस्थापक अध्यक्ष कृष्ण प्रसाद पाण्डे, निवर्तमान अध्यक्ष मनहरी बस्याल, पूर्व अध्यक्ष नवनिधि पन्त , बरिष्ट उपाध्यक्ष दिवाकर घिमिरे, तृतीय उपाध्यक्ष पुष्पराज पौडेल ,सल्लाहकार नवराज बजगाईँ लगायत केन्द्रीय पदाधिकारी तथा सदस्यज्युहरु, बागमति प्रदेश समितिका पदाधिकारी तथा सदस्यज्युहरु ,काठमाडौँ जिल्ला समितिका पदाधिकारी तथा सदस्यज्युहरुको उल्लेखनीय उपस्थिति रहेको थियो। कार्यक्रममा नेपाली बजारमा आफ्ना उत्पादनलाई प्रदर्शन गर्न महासंघको निमन्त्रणालाई स्वीकार गरी पाल्नुभएका इन्डियन exhibitor र संचारकर्मीहरुको समेत उपस्थित रहेको थियो !
कार्यक्रममा वरिष्ठ उपाध्यक्ष दिवाकर घिमिरेले स्वागत मन्तव्य दिनुका साथै कार्यक्रमको औचित्य पुष्टी गर्नुभएको थियो !कार्यक्रमको संचालन महासंघका महासचिव श्री शिवसागर शर्मा सरले गर्नुभएको थियो । प्रदर्शनी आज र भोली दुई दिनसम्म चल्ने भएको छ !
