काठमाडौं। नेपाल आयल निगमले पेट्रोल र डिजेलको मूल्य बढाएको छ ।
निगम व्यवस्थापन समितिको मंगलबार बसेको बैठकले पेट्रोल प्रतिलिटर पाँच रुपैयाँ र डिजेल / मट्टितेलमा १४ रूपैयाँ वृद्धि गर्ने निर्णय गरेको हो ।
इन्धनको मुल्यमा १० प्रतिशत भन्दा बढि बृद्धि भए सार्वजनिक यातायातको भाडा बृद्धि गर्ने नियम रहेको छ ।
योपटक निगमले मट्टितेल र डिजेलमा १४ रूपैयाँ वृद्धि गरेको छ, जसको असर जनताको दैनिकीमा पर्ने पक्का छ । हरेका खाले ढुवानीको लागत बढ्ने हुदाँ दैनिक उपभोग्य वस्तुको भाउ बढ्ने पक्का छ ।
यता इन्डियन आयल कर्पोरेसनबाट खरिद मूल्य बढेर आएकाले मूल्य समायोजन गरिएको निगमले जनाएको छ।
भारतबाट पेट्रोलमा ३ रुपैयाँ ८५ पैसा र डिजेल तथा मट्टीतेलमा ११ रुपैयाँ २५ पैसा बढेर आएको हो।
नयाँ तोकिएको मूल्य मध्यरातदेखि लागू हुने निगमका प्रवक्ता मनोज ठाकुरले जानकारी दिए।
मूल्यवृद्धि सँगै अब काठमाडौंमा पेट्रोलको मूल्य १७८ र मट्टितेल / डिजेलको मूल्य १६७ रुपैयाँ पुगेको छ।
यसअघि पेट्रोल प्रतिलिटर १७३ र डिजेल÷मट्टितेल १५३ रूपैयाँ थियो।
