काठमाडाैं । मुलुकको प्रमुख प्रशासनिक केन्द्र सिंहदरबारमा कर्मचारीलाई निगरानी गरिएको छ। राष्ट्रिय सतर्कता केन्द्रले हाजिर लगाउँदै बाहिर निस्कने प्रवृत्ति बढेको भन्दै कर्मचारीलाई निगरानी गरेको हो।
राष्ट्रिय सतर्कता केन्द्रले हाजिर गरि बाहिर निस्कने कर्मचारीलाई सिंहदरबारको गेटमा चेकिङ गरेकाे थियाे । कुन कार्यालयको कर्मचारी हो, कहाँ जाने, कुन प्रयोजनका लागि बाहिर निस्कनेलगायत विषयबारे कर्मचारीलाई सोधपुछ गरिएकाे थियाे ।
सिंहदरबार दक्षिण गेटबाहिर तैनाथ प्रहरीले बाहिर निस्कने कर्मचारीलाई सोधपुछ गरी फाइल बनाएर टिपोट गरिरहेका थिए। बिहिबार बिहान १० बजेदेखि १२ बजेसम्म कर्मचारीलाई चेकिङ गरिएको थियो।
