काठमाडाैं । बागमती प्रदेश सरकारले आज मन्त्रिमण्डल विस्तार गर्दै छ । सत्तारुढ गठबन्धनबीच मन्त्रालय फुटाएर भागबण्डा पछि सरकारले पूर्णता पाउने भएकाे हाे ।
प्रदेशमा ११ मन्त्रालय रहेकोमा एउटा मन्त्रालय फुटाएर १२ मन्त्रालय बनाउने सहमति भएको जनाइकाे । जसअनुसार नेपाली कांग्रेसले ६ वटा मन्त्रालय पाउने भएको छ । हाल सरकारमा माओवादी केन्द्रका मुख्यमन्त्रीसहित चार मन्त्री सरकारमा छन् । हाल कांग्रेसबाट दुई जना सहभागी भइसकेका छन् ।
मन्त्रिपरिषद विस्तारका क्रममा नेकपा माओवादी केन्द्रले मुख्यमन्त्रीसहित ४ र नेकपा एकीकृत समाजवादीले दुई मन्त्रालय पाउने भएको हो । भागबण्डा मिलेसँगै आजै मन्त्रिपरिषदलाई पूर्णता दिने तयारी भइरहेको जनाइएको छ ।
आज कांग्रेसबाट थप चार मन्त्री सरकारमा सामेल हुँदैछन् । तीमध्ये तीन जनालाई विभागीय जिम्मेवारी दिने र बाँकी एक जनालाई तत्काल बिना विभागीय जिम्मेवारीमा राखिने भएको छ ।
