काठमाडाैं । बाघको आक्रमणबाट बुधबार हेटौँडामा दुईजना घाइते भएका छन्।
जिल्ला प्रहरी कार्यलय मकवानपुरका अनुसार हेटौँडा-१५ का १७ वर्षीय सुमन घलान र ६५ वर्षीय कृष्णबहादुर थिङ घाइते भएका हुन्।
आइतबार बिहान् बाख्रा चराउन घरनजिकैको जंगल गएका घलान र थिङलाई बाघले आक्रमण गरेको हो।
बाघको आक्रमणबाट घाइते भएका थिङको अवस्था गम्भीर रहेको प्रहरीले जनाएको छ। उनको बाघको आक्रमणबाट घाँटीमा गहिरो चोट लागेको छ।
यस्तै, घलानको दाहिने कुम, ढाडको बायाँ भाग र छातीमा बाघले टोकेको छ। दुवैजनाको अहिले हेटौँडा अस्पतालमा उपचार भैरहेको प्रहरीले जनाएको छ।
