काठमाडाैं । सरकारले त्रिभुवन अन्तर्राष्ट्रिय विमानस्थलका प्रमुख (महाप्रबन्धक) प्रेमनाथ ठाकुरलाई निलम्बन गरेको छ ।
थाई स्माइल एयरलाइन्सका प्रतिनिधिसँग ठाकुरले रकम मागको श्रब्य (अडियो) सामग्री सार्वजनिक भएसँगै सरकारले उनलाई निलम्बन गरेको हो । उक्त अडियो संस्कृति, पर्यटन तथा नागरिक उड्डयन मन्त्रालयसम्म सामाग्री पुगेको थियो । ठाकुर विगत २ वर्षदेखि विमानस्थल प्रमुखको रुपमा कार्यरत थिए ।
मन्त्रालयका सहसचिव राजेन्द्र कुमार केसीले मन्त्रीस्तरीय निर्णयबाट ठाकुरलाई निलम्बनको पत्र पठाएको जानकारी दिए । सो विवादास्पद प्रकरणको सत्यतथ्य पत्ता लगाउनका लागि महाप्रबन्धक ठाकुरमाथि मन्त्रालय र अख्तियार दुरुपयोग अनुसन्धान आयोगले पनि अनुसन्धान थाल्ने भएको छ ।
